Háskóli Íslands

Rannsóknarmiðstöð um nýsköpun og alþjóðaviðskipti

Rannsóknarmiðstöð um nýsköpun og alþjóðaviðskipti (Icelandic research center for Innovation and Globalization) er vettvangur rannsókna- og þróunarstarfs á sviði nýsköpunar og alþjóðaviðskipta innan Viðskiptafræðistofnunar Háskóla Íslands. Forsvarsmaður rannsóknamiðstöðvarinnar er Gunnar Óskarsson, lektor við Háskóla Íslands.
 
Hlutverk Rannsóknarmiðstöðvarinnar er í meginatriðum fimmþætt:
 

Að stunda rannsóknir á sviði nýsköpunar og alþjóðaviðskipta í sterkum tengslum við atvinnu- og þjóðlíf og kynna þær

Að vera bakland kennslu í nýsköpun og alþjóðaviðskiptum og eiga þátt í þjálfun meistara- og doktorsnema í rannsóknum á sviðinu

Að sinna tengslum og efla samstarf við innlenda og erlenda rannsóknaraðila á sviði nýsköpunar og alþjóðaviðskipta

Að sinna þjónustuverkefnum á sviði nýsköpunar og alþjóðaviðskipta

Að gangast fyrir atburðum sem varða nýsköpun og alþjóðaviðskipti

 
Lögð er áhersla á að þær rannsóknir sem unnar verða innan miðstöðvarinnar skili af sér niðurstöðum sem munu miðla aukinni þekkingu til fræðaheimsins, bæði hérlendis og erlendis, en einnig að niðurstöðurnar skili aukinni þekkingu inn í íslenskt þjóðlíf sem m.a. muni stuðla að meiri og betri kennslu í nýsköpun og alþjóðaviðskiptum. 
 
Þú ert að nota: brimir.rhi.hi.is